SOS Sanidade Pública presentou a Iniciativa Lexislativa Popular no Parlamento Galego

SOS Sanidade Pública, integrado polas plataformas e organizacións sociais que agrupan a:  profesionais, pacientes, sindicatos e políticos; vén de presentar,  o xoves 22, no Parlamento de Galicia, unha Iniciativa lexislativa Popular (ILP). Un documento colaborativo e participativo que foi elaborado durante 6 meses coa axuda desinteresada de expertos e xuristas na tarefa común de poder sacar adiante o documento no interese de rescatar á Atención Primaria (AP) cara a un modelo integral, participativo e comunitario.

As pretensións salientables da Iniciativa Lexislativa Popular (ILP)

Garantir a Atención Primaria a toda a poboación de xeito equitativo, eliminar as listas de espera, repoñer en medida o personal suficiente para facer frente ao servizo, mellorar as condicións laborais e de estabilidade nos centros de Atención Primaria. Unha batería de propostas coa intencionalidade de evitar o colapso, desmantelamento, e privatización nese piar fundamental da sociedade que é a Atención Primaria.Nas palabras do voceiro de SOS Sanidade Pública, Manuel Martin, despois de presentar a ILP: «Agora ábrese un período de espera (un mes máis ou menos) á resposta da Mesa do Parlamento e Xunta Electoral, tras o que as Plataformas comencemos a recoller firmas, informar e debater coa poboación, organizacións sociais e institucións representativas da poboación como concellos e deputacións. Este proceso durará tres meses (prorrogables se é necesario) e aínda que son necesarias 10.000 firmas para conseguir a súa tramitación parlamentaria, é necesario multiplicar esta cifra para demostrar o apoio social á ILP.»

Salvar as eivas na Atención Primaria

Sos Sanidade Pública recolle as eivas da sanidade, no referenta á Atención Primaria(AP), na procura de facer fronte ao deterioro e desmantelamento deste servizo fundamental que ata hai pouco considerouse fundamental en calquer barrio ou pobo para o coidado e atención ás persoas.

As políticas sanitarias en Galicia están a reducir e recortar o  persoal sanitario. De tal xeito, que hai falta de profesionais para atender á poboación. Por outra bandas, as condicións laborais dos traballadores sanitarios van dar en situacións de precariedade e inestabilidade.

A cidadanía está a perder os centros de atención primaria e nalgún dos que están en activo faltan profesionais. Unha situación que provoca a saturación das urxencias nos hospitais. Asemade, as chamadas telefónicas están a suplir o contacto có médica. E as liñas se saturan sen poder ofrecer o servizo ao paciente. 

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.