A AAAG manifesta o seu total apoio a Fernando Dacosta e Sarabela Teatro fronte aos ataques sufridos contra a súa dignidade por parte de Democracia Ourensana e o alcalde de Ourense.
A Asociación de Actores e Actrices de Galicia (AAAG), denuncia os ataques que Democracia Ourensana está levando a cabo, a través das súas contas en redes sociais, sobre o actor Fernando Dacosta. O colectivo manefesta o seu apoio ao socio Fernando Dacosta e fai unha chamada a Gonzalo Pérez Jácome que está a potenciar este feito nun sin sentido dalguen que ostenta o goberno da cidade e da que é máximo representante.
Nestas publicacións en redes, Gonzalo Pérez Jácome, verte unhas graves e inxustificadas acusacións contra Fernando Dacosta dañando a súa dignidade persoal e profesional. O actor ten avalada por anos de traballo a prol da cultura, tanto da cidade de Ourense como das artes escénicas de Galicia.
A AAAG entende estas novas declaracións de Democracia Ourensana, e do alcalde Gonzalo Pérez Jácome, como un paso máis na estratexia de acoso e derriba do tecido cultural da terceira cidade de Galicia. Unha campaña de descalificación contra todos os axentes culturais que teñen manifestado a súa oposición á política cultural, ou á ausencia dela, da que fai gala o actual alcalde.
