Máis alá da boina, o obxectivo final desta iniciativa é promover o uso da lingua galega nas redes sociais e no ámbito das últimas tendencias, asociando o noso idioma coa vangarda, a moda, a fotografía, así que… MODERNÍZATE: PON BOINA!
O título que dá nome o proxecto «Modernízate: pon boina» simboliza o afán de recuperar a fala da lingua, vestila de frescura e actualidade espertando interese na xente nova, tanto do rural coma no urbano.
Unha pasarela de moda agardará, dentro do Mestre Mateo, a todos a xente nova que sinta interese polas tendencia e gustan de dicilo en galego.
Tamén haberá un espazo para o retrato e no que participará a artesá Sandra Vilas, fabricante da primeira boina galega do século XXI.
No proxecto está implicado o profesorado dos departamentos de Xoiaría e Fotografía da Escola de Arte Mestre Mateo e profesorado do IES Marco do Camballón de Vila de Cruces.