Mar de paraugas na Praza das Platerías no 8M compostelano

Un 8 de marzo en Santiago de Compostela con éxito de convocatoria que consiguiu reunir moitísimas persoas, a pesar dunha choiva que non cesou e que deixou unha bonita estampa da plaza ateigada de mulleres no desexo de un mundo mellor.

Cabeza 8M Manifestación 2025. @marieldeelvira

Ás 6 da tarde partía da Praza 8 de Marzo de Santiago de Compostela a manifestación reivindicativa dos dereitos das mulleres para unha sociedade máis xusta. A choiva acompañou todo tempo ata que se rematou na Praza das Platerías.

Este non era un día calquera, non

O día encapotado ameazaba cunha choiva aínda máis forte, e a pesares de iso, foi moita xente xuntándose para unirse no percorrido. Se unha pensa no contexto social mundial non é de estrañar o mar de paraugas que presentou a praza compostelana ao rematar a manifestación. Nuns tempos onde se tenta desafiar a evolución para retroceder ao escuro e abafar tamén o feminismo, a igualdade…Con todo, enténdese que a auga sexa un mal menor e se reactive con forza o feminismo.