Interpretando a memoria de Castelao na cidade de pedra

De Izda a Derecha: Flavia Ramil, Sindo Guinarte e Suso Martínez                                                                                   FOTO. Mariel Norat.

Estes días o Concello anda coa premura de poñer a funcionar a loxística; pois hai que retomar todo o que é menester para artellar os asuntos importantes e darlle continuedade a esas datas que se aveciñan, como é a Festa do Apóstolo. Unha celebración de primeira magnitude en Santiago de Compostela pola repercusión, tradición e deleite, entre outras.

Con todo isto e despois dunhas eleccións que aínda temos frescas na memoria,  onte o concelleiro de turismo, Gumersindo Guinarte, xunto con Flavia Ramil, xerente de turismo da cidade,  presentaron en rolda de prensa as visitas teatralizadas que se levarán a cabo en xullo, con motivo das Festas de Santiago. Unha actividade que é financiada pola Xunta de Galicia a través de Turismo de Galicia e Abanca. 

A iniciativa quere poñer en valor a cidade a través de persoeiros destacados pola súa traxectoria. Desta volta, será Castelao o protagonista central para que sirva de fío conductor, dentro desa finalidade didactica e nun senso pedagóxico que estas visitas queren aportar aos participantes onde se poden incluir a propios e foráneos, aínda que a lingua vehicular sexa a lingua galega.

En rolda de prensa indicaron que se está a pensar en todos os públicos, con interese no familiar, pois non é necesario ter coñecementos previos dos persoeiros para asistir e desfrutar dos paseos. O guía – intérprete de turismo, Suso Martinez, actúa e dirixe este percorrido que desperta a un Castelao atemporal, para revivir estes espacios da cidade de pedra a través das vivencias do célebre rianxeiro. A visita de  Daniel Alfonso Castelao, segundo Suso Martínez, incide no estudante e as súas andainas, pero tamén, nos suspiros durante o exilio naquelas lembranzas documentadas pola cidade do Apóstolo. Estas visitas serán gratuítas e sen inscripción previa, só hai que presentarse no punto de encontro dez minutos antes da saída.

Punto de encontro: Parque da Alameda, xunto a estátua de Valle- Inclán

Hora de encontro: 18:00 horas

Recomendada: Todos os públicos

Idioma: Galego

Tempo de duración: 1hora e 30 minutos

Datas :7-9-16-18-21-23-25-28 e 30

A ruta será: parque da Alameda, praza do Toural, rúa do Vilar, praza de Fonseca, praza do Obradoiro, praza da Quintana, Casa da Troia, Casas Reais, praza 8 de Marzo e San Domingos de Bonaval.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.