Hoxe, os alumnos da Facultade de Ciencias Sociais de Santiago de Compostela, convocaban unha manifestación no día dedicado á eliminación da violencia contra a muller. A chamada estudantil tivo éxito entre a comunidade dos alumnos e profesores desa facultade que apoiaron a iniciativa; ás doce da mañá concurriron entorno á Facultade con carteis e, nalgún caso, cos beizos pintados de cor vermello para amosar a súa empatía ca causa. As proclamas que ao longo do recorrido gritaban, facían público e notorio o desacordo con esta lacra social que deixa un regueiro de sangue e violencia no país. Conviñeron nun eslogan que presidía a convocatoria e que manifestaban conxuntamente a modo de solución a este grave problema “MÁIS EDUCACIÓN”.

Verdadeiramente “Tolerancia Cero”.Temos que concienciarnos de que A VIOLENCIA HACIA A MULLER É UN PROBLEMA DE TODOS; dende o empresario/a (que paga menos por ser muller) ata o compañeiro/a de traballo(que o consinte). Como apuntaban os estudantes de Ciencias Sociais da USC, un bo plan, sen dúbida, é Máis educación.
Que esperamos para enfrontarnos a esta anomalía que pervive no século XXI?. Digo, poñerlle freo dun xeito determinante co significado de rachar co estado primitivo dunha sociedade hipócrita que se esconde dos problemas e carencias do sistema.
Cando suceden os crímenes non se pode salvar a circunstancia con actuacións efectistas sen ir máis lonxe no análise e sen dispoñer unhas medidas sinceras e cumpribles para cortar radicalmente coa violencia… O que ten acontecido hoxe, 25 de novembro, non debería ser unha data que se marca no calendario para lembrarnos que temos unha eiva social sen resolver, ou saltar de estupor cada vez que alguén lle matan á filla ou queda orfo de nai. Este é un problema que compete a todos e a todas,e por iso, reclámanse políticas eficientes, con criterio para acabar co maltrato e coa violencia en contra da muller, porque é xusto e necesario vivir en igualdade.