A Costa da Morte vai ser escenario, a partir do venres 26, dunha película que durante cinco semanas, ata Semana Santa, moverá un grupo de persoas importante, permanecendo en varias localidades da comarca para poder levar a cabo a rodaxe: Carnota, Dumbría, Fisterra, Muxía, Camariñas, Cabana de Bergantiños, Carballo, Cee, Cerceda e Corcubión. Este filme que leva por título Sicixia, esperamos que acade moitos éxitos artísticos e de taquilla. Os actores protagonistas son Monti Castiñeiras e Marta Lado que traballarán baixo a dirección de Ignacio Vilar.