O TSXG confirma a condena á CRTVG por vulnerar o dereito á tutela xudicial e á liberdade de expresión dun xornalista
O Tribunal Superior de Xustiza de Galicia (TSXG) confirma a sentenza que condenara á Corporación Radio e Televisión de Galicia (CRTVG) a indemnizar con 6.251 euros ao xornalista Carlos Jiménez, tras represalialo pola súa participación nos «venres negros». O Colexio de Xornalistas saúda a resolución xudicial e chama á corporación pública a garantir en todo momento a liberdade de expresión dos informadores.
