Rocío Ovalle Fernández, Premio Alfredo Vicenti de Xornalismo Cívico por As bestas andan soltas
O Galardón este ano recepcionou 17 traballos que aspiraban ao recoñecemento
A vida e a liberdade fronte á violencia machista
Rocío Ovalle Fernández, ten traballado en varios medios de comunicación é coordinadora de comunicación da Cruz Vermella en Santiago de Compostela. Asemade, dá clases na Facultade de Xornalismo na USC.
O acto publico de entrega deste premio, organizado polo Ateneo de Santiago, tivo lugar na rúa do Vilar de Santiago e vén a premiar o artigo “As bestas andan soltas”, publicado no xornal dixital Adiante.gal o 25 de xuño de 2018. Unha crónica, como ben indica a súa autora, que fai referencia á violencia machista, ao patriarcado no que a sociedade está inmersa e na necesidade de sensibilización para salvar esta brutalidade exercida cara ás mulleres. A lectura emotiva do traballo periodístico pola súa autora, Rocío Ovalle, vai fiando instantáneas punteiras que atan momentos trascendentais da loita feminista, e que recalan na dor fronte unha sociedade que non é quen de interiorizar unha convivencia cívica entre iguais.
Máis fotos premendo aquí
Outra Muller en pe. NNorabo a ela e a autora deste articulo
Grazas na parte que me toca Rosa, e tes razón; parabéns para a loita dunha causa xusta «A igualdade real sen medos e dende a liberdade». Parabéns por iso a Rocio Ovalle.
Saúdos