Chévere presentará os Premios María Casares 2016 -

Pincha para ver o listado dos gañadores definitivos deste certame

Actualización 14/03/2016. Os Premios María Casares 2016 serán dirixidos e presentados pola Compañía de Teatro Chévere.

Foto. Doutra edición — Foto da edición 2012

A XX edición presentará un espectáculo musical de gran formato cun elenco de músicos, actrices e actores, sobre o escenario se destacará aqueles factores positivos que fan grande o teatro galego. Xesús Ron dirixirá a Miguel de Lira, Patricia de Lorenzo, Manuel Cortés, Mónica García, Arantza Villar, César Goldi, Borja Fernández, Marcos Ptt e Cris Iglesias, nun formato de complexidade que busca, segundo as propias palabras do director. “reivindicar a fortaleza do talento”. A música, creada especificamente para a ocasión, correrá a cargo de Xacobe Martínez Antelo, Max Gómez, Manuel Cebrián, Xosé Miguélez e Javi GDJazz.

O Presidente da Asociación de Actores e Actrices de Galicia (AAAG), Vicente Mohedano, destacou que Chévere é unha das compañías “con maior traxectoria e que máis pegada deixou no noso sistema cultural”. e subliña a capacidade para “reinventarse constantemente”. A gala, organizada pola AAAG, conta co patrocinio de institucións como a Axencia Galega das Industrias Culturais (Agadic), a Deputación da Coruña e o Concello da Coruña. E será retransmitida pola TVG.

Os distinguidos coa nominación María Casares de Teatro

11 /03/2016. As xentes do teatro prepáranse para o seu gran acontecemento do ano, a festa do Teatro. A celebración dos Premios María Casares que cumpliu a súa maioría de idade.

O Teatro en Galicia conta cun nutrido grupo de profesionais; actores e actrices que se poñen fronte aos espectadores e dan o mellor de se mesmos en cada función. Pero nun espectáculo, detrás, hai un gran número de traballadores técnicos e artísticos que son parte imprescindible para que o espectáculo continúe: directoras-es, guionistas, produtoras-es, deseñadores, equipos de son e imaxe, carpinteiros, modistas, xastres, perruqueiros-as, maquilladores e un longo etc. Eles son a xente do teatro; para uns forman parte do entretemento dun país e xeran riqueza como industria cultural. Para outros, son xente necesaria que contribúe a non esquecer, a pensar e a ser eco da conciencia colectiva. Mire por onde se mire, sempre necesarios.

O día 30 deste mes de marzo as mulleres e homes deste oficio vestiranse de gala para asistir o Teatro Rosalía de Castro, os nomeados sentarán nerviosos agardando escoitar o seu nome, entre aqueles que xa estaban seleccionados. Serán os nervios de quen está afeito a presentarse ante o público e someterse á crítica. Esta vez a decisión partirá dos seus propios compañeiros de profesión. A distinción destes Premios recompensa e enche de orgullo aos traballadores que viven a paixon das táboas.

Nesta primeira volta de nomeamento, este ano contou con participación dixital. A segunda volta será a definitiva, e acontecerá no teatro de A Coruña. Lembremos que estes premios naceron pola iniciativa, fai vinte anos, da Asociación de Actores e Actrices de Galicia (AAAG).

Nomeamento das catorce categorías 2016

O principio de Arquímedes, de Teatro do Atlántico. 8 nominacións: espectáculo, dirección, actor protagonista, actor secundario, adaptación-tradución, escenografía, iluminación e música orixinal.
Ensaio sobre a cegueira, de Sarabela Teatro.7 nominacións: espectáculo, actriz protagonista, actor secundario, adaptación-tradución, escenografía, iluminación e maquillaxe.
Presidente, de Teatro do Morcego, 5 nominacións: espectáculo, dirección, actor secundario, actriz secundaria, texto orixinal.

4 Nomeamentos

Xardín suspenso, do Centro Dramático Galego: actriz protagonista, escenografía, iluminación, música orixinal.
Manawee, de Matrioshka Teatro:espectáculo infantil, actriz secundaria, maquillaxe, música orixinal.

3 Nomeamentos

Noiteboa, de Redrum Teatro: dirección, actriz protagonista e texto orixinal.
Panamericana, da Panadería: actriz secundaria, texto orixinal e vestiario

2 Nomeamentos.

Calypso de Voadora: maquillaxe e vestiario
Unha poucas picadelas, de Teatro de Ningures: actor protagonista e adaptación-tradución
Furancho de Ibuprofeno Teatro: texto orixinal e vestiario

1 Nomeamentos.