O traballo de Producións Teatrais Excéntricas en A Cabeza do Dragón pon de manifesto a calidade de profesionais da escena galega
A peza foi moi aplaudida entre un público entusiasta; o elenco tivo que sair a saudar 5 ou 6 veces.
Onte cumprían o quinto día de representación e hoxe é a última función en Santiago
Onte gustaba ir ver a obra de teatro A Cabeza do Dragón ao Teatro Principal de Santiago de Compostela, non podía faltar! pois estamos a falar da primeira representación no idioma galego do escritor da Arousa, creador do esperpento.
Corren tempos de ledicia en Galicia, acabouse o veto imposto pola familia do escritor que durante tantos anos negaron a tradución das obras de Valle- Inclán ao idioma do país que veu nacer a tal insigne narrador e dramaturgo.
O traballo de Producións Teatrais Excéntricas en A Cabeza do Dragón pon de manifesto profesionais que souberon imprimir inxenio e creatividade na súa posta en escena sen desmerecer a identidade do autor. Dos textos orixinais arrinca unha adaptación onde asoman pingas de picaresca que o refrescan e lle dá actualidade á obra. No día de onte e despois de 4 días de representación, o Teatro Principal estaba cheo, ou o que é o mesmo, con escasas butacas baleiras. Se falamos dunha cidade onde non é frecuente que unha obra teña tantas funcións, pódese dicir que A Cabeza do Dragòn está tendo unha acollida de éxito en Santiago de Compostela.
A boa interpretación de tódalas actrices e actores que encarnan varios papeis, e que en todos eles seguen nunha liña con pegada de Valle, remarcan un acontecemento señalado no almanaque galego. Asemade, aspectos técnicos como luces, escenografía ou vestiario salientaron sencillez e ao tempo grandeza.
O espectáculo fai vivir aos espectadores a historia con expectativa, sen perder a atención en ningún momento; Quico Cadaval, dramaturgo, director e actor, exerce na trama como fío conductor onde é patente que consegue potenciar, non só de xeito interpretativo, que tamén, senon coa súa presencia física, por semellanza, á figura do propio Ramón del Valle – Inclán.
A peza foi moi aplaudida entre un público entregado polo que invitou ao elenco a que tivera que sair a saudar en 5 ou 6 ocasións. Todo hai que dicilo, despois da función seguiu sendo tema protagonista nas conversas das cafeterías da contorna do Teatro Principal. Escudriñábase os pormenores da obra teatral que estiveran a mirar…Cousa que indica o interese que suscitou o acontecemento.
As representacións en Galicia e Portugal nas vindeiras datas son:
Preme aquí para ver artigos relacionados