Agenda Santiago, Teatro — 8 diciembre, 2018 a las 12:47

Casquería e outras Vísceras da Compañía Xerpo se representa no Salón Teatro esta fin de semana

Por

Irene Moreira é a creadora e directora desta proposta, lle propón ao público unha reflexión sobre a incapacidade social para detectar o talento e sobre a supervivencia das minorías

Poderá verse na sede compostelá do Centro Dramático Galego hoxe sábado, ás 20,30 h., e o domingo, as 18,00 h.

O Salón Teatro de Santiago de Compostela acollerá esta fin de semana a Xerpo Teatro, compañía residente da Sala Ingrávida do Porriño, co seu espectáculo Casquería e outras vísceras. Irene Moreira asina a dirección e dramaturxia desta montaxe, que Olga Cameselle e Álex Sobrino interpretarán na sede do Centro Dramático Galego (CDG) hoxe, sábado 8, ás 20,30 h., e o domingo 9, ás 18,00 h.

A través da súa linguaxe poética, Casquería e outras vísceras fala da substancia interior do ser humano e proponlle ao público un espazo para a reflexión e para a acción. A isto contribúe, ademais, a forza impactante do espazo escénico deseñado por Montse Piñeiro, quen tamén se encargou da iluminación e do vestiario, así como o espazo sonoro de Natalia Cancela. Completa o equipo José Vaquero como axudante de dirección.

A través desta montaxe, Xerpo proponlle ao espectador unha pregunta: “Por que a sociedade non é quen de detectar o talento?” Na procura dunha resposta a esta cuestión, o espectáculo afonda na desconexión social coa identidade, especialmente coa das minorías, que se foi diluíndo no que a compañía define como “feitos maquinais”: traballo, consumo, supervivencia…

As entradas para as dúas funcións de Casquería e outras vísceras en Santiago xa están á venda a través do web entradas.ataquilla.com. Tamén poderán adquirirse no despacho de billetes do Salón Teatro, que estará aberto ao público desde dúas horas antes do inicio das representacións.

A programación na sede do Centro Dramático Galego continuará a semana que vén, cando chegará a Santiago a compañía Inversa Teatro para representar do martes 11 ao domingo 16 o seu espectáculo Sofía e as postsocráticas, tras o seu paso por Culturgal e a súa estrea oficial o pasado día 5 en Vigo.

Deja un comentario

Tu dirección de correo electrónico no será publicada. Los campos obligatorios están marcados con *

*

Este sitio usa Akismet para reducir el spam. Aprende cómo se procesan los datos de tus comentarios.