Este domingo moitos estaban pendientes da Praza de Colón de Madrid, pola manifestación conxunta do PP, C´s e Vox, unha movilización en contra o goberno de Pedro Sánchez…Relator arriba ou relator abaixo, porque xa o día antes sabíase que non había tal, o conto parece que suscitaba o seu aquel, cousas dignas destes tempos. Mentras, como dicía, en Santiago de Compostela centos de persoas volvían a percorrer as rúas da cidade nunha manifestación convocada pola Plataforma SOS Sanidade Pública que agrupa a diversas asociacións do eido médico sanitario.
O malestar do sector sanitario leva tempo a reclamar e denunciar as situacións insostenibles de precariedade e recortes que fai inviable a capacidade para atender con dignidade aos pacientes; a falta de material para desenvolver o seu traballo, a exposición a xornadas interminables as que se ven sometidos, ou mesmamente, a falta de responsabilidade que se demostra facendo contratos a médicos recién licenciados e sen especialización para atender nos centros de Saúde.
A manifestación deste 10 abarrotou a Praza da Quintana. De feito, cando a manifestación entraba pola Porta da Mámoa, despois de subir pola rúa do Hórreo, a xente aínda estaba no punto de saída, a Alameda. Esta convocatoria responde á última dunha serie que cada vez é máis respaldada pola ciudadanía que entende a perda e as consecuencias de non ter seguranza nunha cuestión tan fundamental para cubrir a súas necesidades.
Estas accións destinadas a facer unha chamada clara e contundente á administración para recuperar un sistema público de saúde cun funcionamento de atención responsable e de calidade, e para iso indican a necesidade de incorporación de responsables definidos pola cuestión meritoria e de oficio.
Máis fotos premendo aquí
Artigos relacionados preme